09.01.2010 Lajmi I Fundit Nga Bota

Moti i akullt mbërthen Evropën



Moti i akullt në Evropën veriore ka ndërprerë fluturimet në aeroporte në Britani, Francë, Republikën Irlandeze dhe Holandë.

Shumë fluturime u shtynë apo anulluan në aeroportin Orly në Paris, në aeroportin e Dublinit dhe atë Schiphol-it në Amsterdam si dhe në aeroportet kryesore britanike.

Një tren i Eurostarit mbeti për dy orë brenda Tunelit të enjten. Katër trena të tjera të Eurostarit u anulluan.

Në Gjermani të paktën nëntë të pastrehë midis moshës 42 dhe 62 vjeç kanë ngrirë nga të ftohtit. Ndërsa shumë pjesë të Gjermanisë panë rënie të temperaturave nën -10C të enjten.

Agjencitë e lajmeve bëjnë të ditur se të gjitha rrugët që të çojnë në Dublin janë të ngrira dhe plot akull dhe qindra shkolla janë mbyllur.

Bora ka mbuluar edhe një pjesë të madhe të Francës duke arritur edhe deri në jug, në Bordo.

Bora e rëndë ka shkaktuar trafik të rënduar rreth Amsterdamit dhe Haarlemit.

Ndërkohë që në Hemavan, në veriun e largët të Suedisë, gjatë natës u rregjistrua një temperaturë rekord e ulët, -40.8C.

Numri i të vdekurve në Poloni ka arritur në 122, shumica e viktimave thuhet se janë të pastrehë.